बराहक्षेत्र : धरान उपमहानगरपालिका–१३ स्थित निशाने डाँडाबाट दुई जना ब्याक्ती लागूऔषधसहित पक्राउ परेका छन्।
अस्थायी प्रहरी चौकी अमरहाटबाट खटिएको प्रहरी टोलीले विशेष सूचनाका आधारमा धनकुटाको राजारानीबाट धरानतर्फ आउँदै गरेको को १ ख ६०९० नम्बरको यात्रुवाहक बस लाई चेकजाँच गर्दा उक्त बसको डिकीमा रहेको दुईवटा कालो रंगको झोलामा नौ किलोग्राम (९ केजी) गाँजा फेला परेको थियो ।
सोधपुछका क्रममा ती झोला सोही बसमा यात्रा गरिरहेका इटहरी उपमहानगरपालिका–७ निवासी २४ वर्षीय सुरेश खत्वे र इटहरी ८ निवासी २० वर्षीय तुलसी पासवानको भएको पुष्टि भएपछि प्रहरीले दुई जनालाई नियन्त्रणमा लिइएको हो ।
उनीहरूलाई लागूऔषधसहित नियन्त्रणमा लिई थप अनुसन्धानका लागि इलाका प्रहरी कार्यालय धरानमा ल्याइएको छ।
Facebook Comments Box
